Talıb buna görə 2 dəfə nişanını qaytarıb - VİDEO

 13:58 20.06.2021     45

"Xanımı özüm seçməmişdim, xalam məsləhət görmüşdü. Yaş fərqi həddən artıq çox idi. Fikir uyğunsuzluğu var idi. Get-gedə gördüm ki, gələcəkdə böyük səhvin başlanğıcı ola bilər. 20 yaş fərqimiz var idi. O, daha çox diqqət istəyirdi. Bir o qədər tələb olunanda isə əksinə, istər-istəməz diqqətim azalır. Gördüm ki, yox. Sevə bilmədim. Qismət..."

Publika.az Axşam.az-a istinadla xəbər verir ki, bu sözləri iki dəfə nişanını qaytaran müğənni Talıb Tale "Onun sirri" verilişində deyib. Birinci nişanlısından ayrılma səbəbindən danışan sənətçi bu məsələlərdə peşmanlıq yaşamadığını bildirib:

"Demirəm düz etmişəm. Düşünürəm ki, bu, həyatın qismətidir. Sonradan da fikirləşdim ki, belə olması yaxşı oldu. Birinci və ikinci xanımla münasibətdə olanda əvvəldən gördüm ki, ailə qurulsa da, dağılacaq. Adam bir az yaşa dolanda çətin olur. Uzun müddət subay qalmaq örnək bir şey deyil. Düzdür, ölçüb-biçmək yaxşıdır. Amma gördüm ki, get-gedə pisə doğru gedir. Mən bəsit düşünən xanım istəmirəm".

Talıb 2-ci nişanlısından da oxşar səbəblərə görə ayrıldığını deyib.

Qeyd edək ki, T.Talenin 2-ci nişanı 2018-ci ilin mayında olmuşdu.


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://publika.az/news/magazin1/360155.html