Ermənistan Prokurorluğu seçkilərdəki qanun pozuntuları ilə bağlı 6 cinayət işi açıb

 07:22 21.06.2021     38

Ermənistan Prokurorluğuna növbədənkənar parlament seçkiləri zamanı qanun pozuntuları ilə bağlı 319 məlumat daxil olub, 6 cinayət işi açılıb.

Trend-in erməni KİV-lərinə istinadən verdiyi məlumata görə, bu barədə ölkənin Baş Prokurorluğunun mətbuat xidmətindən bildiriblər.

Məlumata əsasən, qanun pozuntuları barədə məlumatlardan 68-i KİV-lərdən, 127-si fiziki şəxlərdən, 17-si sosial şəbəkələrdən, 107-si isə polis əməkdaşlarından əldə edilib.

Bildirilir ki, daxil olan məlumatlardan 169-u yoxlanılması üçün polisə yönləndirilib, 150-si isə materialların hazırlanması üçün istintaqa və ya ibtidai istintaqa göndərilib. Bunlardan 6-sı üzrə cinayət işi açılıb.

Milli.Az


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://news.milli.az/armenia/958364.html