Paşinyan Yerevanda tərəfdarlarının mitinqinin keçiriləcəyini elan etdi

 07:27 21.06.2021     33

Ermənistanın baş naziri vəzifəsini icra edən Nikol Paşinyan öz tərəfdarlarını iyunun 21-i Yerevanın Respublika Meydanında mitinq keçirməyə çağırıb.

Trend-in "TASS"a istinadən verdiyi məlumata görə, N.Paşinyan bildirib ki, xalq onun partiyasına "polad mandat" verib. Qeyd edək ki, N.Paşinyanın "Vətəndaş Müqaviləsi" partiyası növbədənkənar palament seçkilərində məntəqələrin 50 faizindən çoxundan gələn səslərin hesablanmasından sonra 58 faiz səslə liderlik edir.

N.Paşinyan bildirib: "2018-ci ildə "məxməri inqilab" etdik və indi xalq bizə "polad mandat" verdi, bu isə bizim "polad inqilab" etdiyimizi göstərir. Buna görə bütün tərəfdarlarımızı 20:00-da Respublika Meydanında toplanmağa çağırıram".

Milli.Az


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://news.milli.az/armenia/958366.html