Xarici jurnalistlərin Qarabağa səfəri başladı

 10:46 22.07.2021     35

Cənubi Amerikadan olan jurnalistlərin Azərbaycanın erməni işğalından azad edilmiş rayonlarına səfəri başlayıb.

Axar.az xəbər verir ki, Meksika, Kolumbiya, Braziliya və Argentinanın aparıcı nəşrlərinin və telekanallarının nümayəndələri Füzuli rayonuna səfər edərək burada azad edilmiş torpaqlardakı vəziyyət və minalardan təmizlənmə prosesinin gedişatı ilə tanış olacaqlar.

Cəbrayıl rayonunda KİV nümayəndələri qəbristanlıqda və ermənilər tərəfindən dağıdılmış digər yerlərdə olacaqlar.

Xarici jurnalistlər həmçinin Şuşaya və Ağdam rayonuna da səfər edəcəklər.

Onlar Ağdamda işğal zamanı törədilmiş dağıntıların miqyası, həmçinin hazırda burada aparılan tikinti işləri ilə tanış olacaqlar.


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://axar.az/news/toplum/574432.html