“Yol-patrul xidməti haqqında Təlimat”da dəyişiklik edildi

 06:43 24.07.2021     51

“Yol-patrul xidməti haqqında Təlimat”da dəyişiklik edilib.

Publika.az verir ki, bu barədə Daxili İşlər Nazirliyinin (DİN) Kollegiyası qərar qəbul edib.

Təlimatda edilən dəyişikliyə görə, patrul avtomobili dayandırılmış nəqliyyat vasitəsinin arxasında saxlanılmalıdır.

Sənədə əsasən, yol şəraiti və hərəkət intensivliyi nəzərə alınmaqla patrul avtomobili dayandırılmış nəqliyyat vasitəsinin qarşısında da saxlanıla bilər. Nəqliyyatın hərəkəti üçün maneə və ya əməkdaş üçün təhlükə yarandığı hallar istisna olmaqla, əməkdaş dayandırılmış nəqliyyat vasitəsinin önündə və ya arxasında durmamalıdır.

Qərar respublika daxili işlər orqanlarında elan edilib.

Qeyd edək ki, bu dəyişikliyə qədər patrul avtomobili dayandırılan nəqliyyat vasitəsinin arxasında saxlanılmamalı idi. Əməkdaşın dayandırılmış nəqliyyat vasitəsinin önündə və ya arxasında durması tövsiyə olunmurdu.


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://publika.az/news/neqliyyat/363644.html