Rusiya Fransa və Çexiya ilə hava əlaqəsini bərpa edir

 08:23 24.07.2021     52

Rusiya bu gündən Fransa və Çexiya ilə hava əlaqəsini bərpa edir.

Milli.Az Trend-ə istinadən bildirir ki, bu barədə qərar iyul ayında ölkənin koronavirus infeksiyasına qarşı mübarizə üzrə Operativ Qərargahı tərəfindən qəbul edilib.

Məlumata əsasən, bu ölkələrin aviaşirkətləri Moskva ilə Paris və Moskva ilə Nitsa arasında həftədə 4 dəfə, Sankt-Peterburq və bu Fransız şəhərləri arasında həftədə 2 dəfə uçuşlar həyata keçirə biləcəklər. Çexiya üzrə qərara görə, aviaşirkətlər Moskva və Praqa arasında həftədə 4 uçuş həyata keçirə bilərlər.

Bildirilir ki, hazırda Rusiya 48 dövlətlə uçuşları bərpa edib. Fransa və Çexiya ilə uçuşların bərpası formal xarakter daşıyır: müvafiq qərar qəbul edildiyi andan etibarən heç bir aviaşirkət birbaşa müntəzəm uçuşları bərpa edəcəyini elan etməyib.

Milli.Az


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://news.milli.az/world/967327.html