İspaniyanın böyük hissəsi qaranlığa QƏRQ OLDU

 09:12 25.07.2021     48

Avropa elektrik şəbəkəsini İber Yarımadasına bağlayan elektrik ötürmə xəttindəki nasazlıq üzündən İspaniyanın yarısı qaranlığa qərq olub.

Publika.az xəbər verir ki, bu barədə Türkiyə mətbuatı məlumat yayıb.

Başda paytaxt Madrid olmaqla, Endülüs, Castilla, Leon, Katalonya, Navarra, Bask və bir çox şəhərlər işıqsız qalıb.

Nasazlığın Fransanın istehsal etdiyi nüvə enerjisini İspaniyaya ixrac etdiyi ərazidə - iki ölkə sərhədinin kəsişmə nöqtəsində baş verdiyi bildirilir.

İspaniyanın elektrik paylayıcı şirkəti olan "Red Electrica" tərəfindən verilən açıqlamaya görə, dəniz təyyarəsinin qəzaya uğraması səbəbindən yüksək gərginlikli şəbəkədə bir problem yaranıb.

Qeyd edilib ki, şəbəkədə yaranan problem İber Yarımadasının Avropanın qalan hissəsindən müvəqqəti ayrılmasına səbəb olub.

Şirkət ikinci elanında qarşılıqlı əlaqənin bərpa edildiyini və problemin həll olunduğunu elan edib.

Hüseyn


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://publika.az/news/avropa/363767.html