Yüksək təzyiqi dərmansız müalicə edən - METODLAR

 23:10 04.08.2021     71

Hipertoniya dünyada ən çox yayılmış xəstəliklər sırasındadır. Əvvəllər yaşlı insanlarda daha çox müşahidə edilsə də, aparılan araşdırmalar göstərib ki, xəstəlik xeyli cavanlaşıb.

Hipertoniyanın ilk mərhələlərində onu çox asan, dərmansız müalicə etmək isə mümkündür. Bunun üçün sadəcə bəzi qaydalara riayət etmək lazımdır.
Milli.Az sözügedən metodları təqdim edir:

- Orqanizmə duzun daxil olmasını azaldın. Çünki tərkibində olan natrium orqanizmdə mayeni saxlayır və bununla da qan təzyiqinin yüksəlməsinə səbəb olur.

- Artıq çəkidən azad olun. Xəstəliyin ilk səbəblərindən biri artıq çəkidir. Bir çox hallarda yalnız bədən çəkisini azaltmaqla təzyiqi normallaşdırmaq mümkündür.

- Daim aktiv olun. Fiziki hərəkətlər qan dövranını stabil saxlamağa kömək edir.

- Spirtli içkilər, siqaret, qəhvə və tünd qara çaydan imtina edin. Çay və qəhvənin əvəzinə itburnu dəmləməsi, ot çayları (qara qarağat, albalı, moruq yarpaqlarından və s.) için.

- Qidalanmanızda daim kalium, kalsium və maqneziumla zəngin olan məhsullar olmalıdır. Bu minerallar təzyiqi tənzimləməyə kömək edir.

Kaliumla zəngin olan məhsullar: ərik və ərik qurusu, kartof, gül kələmi, balqabaq, banan və s.

Kalsium: süd və süd məhsulları.

Maqnezium: qoz, buğda kəpəyi, yarmalar (qarabaşaq, yulaf , arpa), kartof və s.

- Stress vəziyyətlərdən qaçın. /medicina.az

Milli.Az


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://news.milli.az/health/955626.html