İstanbuldakı baş konsulumuz yanğın bölgəsinə gəldi

 20:20 05.08.2021     55

Azərbaycanın İstanbuldakı baş konsulu Nərminə Mustafayeva tüğyan edən meşə yanğınları ilə bağlı Türkiyənin Muğla vilayətinin Marmaris rayonunda olub.

Axar.az xəbər verir ki, Marmaris bələdiyyə sədri Mehmet Oktay ilə keçirilən görüşdə rayondakı vəziyyət, Azərbaycan yanğınsöndürənlərinin iştirakı məsələləri müzakirə olunub.

Azərbaycan Prezidenti İlham Əliyevin tapşırığına uyğun olaraq, qardaş ölkəyə gələn Fövqəladə Hallar Nazirliyinin (FHN) yanğın-xilasetmə qüvvələrinin fədakarlığını yüksək dəyərləndirən Marmaris bələdiyyə sədri Mehmet Oktay dövlətimizin başçısı başda olmaqla bütün xalqımıza səmimi salamlarını və təşəkkürünü çatdırıb.

Sonra FHN-in Türkiyədəki qüvvələrinə rəhbərlik edən nazir müavini general-leytenant Etibar Mirzəyev və Baş konsul Nərminə Mustafayeva Marmaris bölgəsində fəaliyyət göstərən yanğın böhran məntəqələrindən birində olublar. Burada Azərbaycan rəsmlərinə rayondakı vəziyyətlə bağlı ətraflı məlumat verilib.


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://axar.az/news/toplum/577755.html