Kiprli azarkeşlərlə "Qarabağ" futbolçuları arasında qarşıdurma

 22:33 05.08.2021     66

Konfrans Liqasının 3-cü təsnifat mərhələsinin hazırda keçirilən AEL (Kipr) - "Qarabağ" oyununun vaxtında başlamamasının səbəbi bəlli olub.

Milli.Az qol.az-a istinadən xəbər verir ki, görüşün start fitindən əvvəl yerli azarkeşlərlə "Qarabağ"ın ehtiyat oyunçuları arasında qarşıdurma yaranıb.

AEL nümayəndələrinin müdaxiləsindən sonra azarkeşlər sakitləşdirilib və gərginlik aradan qaldırılıb. Nəticədə 21:00-da başlamalı olan görüşün start fiti bir neçə dəqiqə ləngiyib.

Qeyd edək ki, Larnaka şəhərindəki "AEK Arena"da keçirilən matçda hazırda fasilədir və hesab açılmayıb.

Milli.Az


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://news.milli.az/sport/970056.html