XİN-in müavini işdən çıxarıldı, yerinə Xamneyinin qohumu gətirildi

 11:00 15.09.2021     34

İran Prezidenti 2015-ci ildə imzalanan nüvə razılaşması ilə bağlı danışıqlara rəhbərlik edən və nüvə danışıqlarında təcrübəli hesab edilən ölkənin xarici işlər nazirinin müavini Abbas Araqçını vəzifəsindən azad edib.

Milli.Az modern.az-a istinadən xəbər verir ki, bu barədə İran KİV-i yazıb.

Onun yerinə danışıqlarda daha sərt mövqe tutan diplomat Əli Bağeri Kani təyin edilib.

Xarici işlər nazirinin siyasi məsələlər üzrə müavini təyin olunan Bağeri, 2007-2013 -cü illərdə keçmiş prezident Mahmud Əhmədinejadın rəhbərliyi altında İran və Qərb arasında nüvə danışıqlarına rəhbərlik edirdi. O, Ayətullah Əli Xamneyinin qohumudur.

Milli.Az


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://news.milli.az/iran/979957.html