Koronavirusla bağlı sensasion araşdırma

 02:02 19.09.2021     59

Merilənd Universitetindən olan alimlər mutasiyaya uğramış koronavirusun hava damcıları ilə daha tez ötürüldüyünü bildiriblər.

Axar.az Trend-ə istinadən xəbər verir ki, bu barədə tədqiqat "Clinical Infectious Diseases" nəşrində dərc olunub.

Amerikalı tədqiqatçılar fərqli "SARS-CoV-2" ştamlarının təhlükəli olduğu barədə araşdırma aparıblar. Alimlər fərqli COVİD-19 variantlarına yoluxan insanlardan əlifbanı üç dəfə təkrar etmələrini və ya "Ad günün mübarək" mahnısını oxumalarını istəyərək bir eksperiment keçiriblər. Koronavirusun "Alfa" ştammına yoluxan insanlar əvvəlki (Uhan) versiyasına yoluxanlardan yüz qat daha çox viral zərrəcik havaya buraxıblar.

Alimlər təsdiq edib ki, tibbi maskalar virusun yayılma riskini 50 faiz azaldır. Ekspertlər qeyd edib ki, tədqiqat ilə yeni infeksiya ştammlarının havadan ötürülməsinə dair əlavə sübutlar təqdim olunub.


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://axar.az/news/planet/587891.html