İtkin düşən əsgərin atası: Dedi, ata, hücuma gedəcəyik - Video

 23:57 27.09.2021     58

Baku TV-də yayımlanan “Arzu Kəlbinin reportajı”nın növbəti buraxılışı İkinci Qarabağ müharibəsində itkin düşən əsgər Aydın Feyzullayevə həsr olunub.

Axar.az xəbər verir ki, övladını həsrətlə gözləyən Zakir Feyzullayev Aydınla son telefon danışığından bəhs edib, keçən bir il ərzində ailənin yaşadıqlarından danışıb.

O bildirib ki, oğlu sentyabrın 27-si müharibə başlayanda əlaqə saxlayıb Füzulidə olduğunu deyib.

“Sentyabrın 27-30-u arası əlaqə saxladı, danışdıq. Mənə deyirdi ki, ata, kinolarda gördüyünü burda yaşayırıq. Ən son dəfə 30 sentyabrda danışdı mənimlə. Dedi, ata, hücuma gedəcəyik, zəng etdim ki, narahat qalmayın. O gündən bu günə xəbər yoxdur”, – deyə o bildirib.

Övladının yaşadığına ümidini itirməyən ata aidiyyəti qurumların məsələni diqqətdə saxladıqlarını deyib.


Bu xəbər Redaktor.az saytına məxsus deyil.
Xəbər mətninə görə ilk mənbə məsuliyyət daşıyır.
Xəbərin mənbəyi: https://axar.az/news/gundem/589997.html