“Şou-biznes adamları ciddi olmur, ailə qurmaram...”
“MTV maqazin” subay sənət adamları arasında sorğu apararaq, bu sahədən kiminlə ailə qurmaq istədiklərini soruşub.
Redaktor.az bildirir ki, mövzuyla bağlı aktrisa Pərvin Abıyeva bunun mümkünsüz olduğunu deyib.
“Ümumiyyətlə məşhur bir bəylə ailə qurmazdım. Çünki qısqanc adamam. Həm də şou-biznes adamları ciddi olmur. Mən daha ciddi bəyləri sevirəm. Gələcəkdə nə olacaq bilmirəm. Faktiki düşüncəm belədir”,- aktrisa əlavə edib.
Aparıcı Vüsalə Əlizadə isə şou nümayəndəsiylə ailə qurmağı ağlının ucundan keçirmədiyini söyləyib.
Müğənni Səidə Sultan “Şou-biznesdə gözüm düşdüyü adam yoxdur. Hələ ki, o ürəkli adamı görməmişəm. Çətin adamam, ona görə mənimlə də dolanmaq qəlizdir” reaksiyasını verib.
Aparıcı-aktyor Şəhriyar Əbilov isə şou əhli arasından artıq heç kimlə ailə qurmayacağını bildirib.
Türkan Vəlizadə də fikrini bildirərək, “Şou-biznesdən inanmıram. Çünki düşünürəm ki, eyni sənətdə olduğum insanlarla yola getmərəm” deyib.
Tarzən Humay Qədimova “Şou əhli arasında çox qanacaqlı adamlar var. Sadəcə onları görmək lazımdır. İnsan sevgi etirafını birinci bəydən alar. Qadın da ona qarşlıq verər. Mən belə təklif almamışam” cavabını verib.
“Eyni sahədə olan adamla ailə qurmaq asan deyil, ələxsus da müğənni bir bəylə. Hər gün biri məclisdə olacaq və bu baxımdan belə cütlük tam ailə kimi ola bilməz. Mənim üçün daha sakit həyat uyğundur” deyə, müğənni Aysel Əlizadə bildirib.
Bizi Telegram-da izləyin...
