Bir gecədə böyük sərvət
Meqa ulduz Tarkan Kiprdə məşhur hotellərin birində Yeni İl axşamı çıxış edəcəyi konsert proqramı üçün 28 milyon tl (təxminən 1 milyon 700 min manat) qonorar alacaq.
Redaktor.az Türkiyə mediasına istinadən xəbər verir ki, sənətçi bu barədə açıqlama verib. Müğənni bildirib ki, ona gələn belə bir gözəl təklifi rədd edə bilməzdi:
"Gözəl bir təklif gəldi, mən də dəyərləndirdim. Belə bir təklif gəlməsəydi, bəlkə də mən yeni ili ailəmlə keçirməyi düşünə bilərdim", - ulduz qeyd edib.
Həmçinin bir il əvvəl müğənnilik karyerasına yenidən qayıdan Mahsun Kırmızıgül də bayram axşamı konserti üçün yüksək qonorar qazanacaq müğənnilər sırasındadır. Məlum olub ki, 54 yaşlı sənətçi də 31 dekabrda Kiprdə səhnəyə çıxacaq. O, bir gecəlik çıxışa görə 12 milyon TL (təxminən 700 min manat) qazanacaq.
Bizi Telegram-da izləyin...
