“Aşk-ı Memnu”dakı məşhur villa satılır - Fotolar
Türkiyənin məşhur “Aşk-ı Memnu” serialının çəkildiyi villa satışa çıxarılıb.
Redaktor.az “Hürriyet”ə istinadən xəbər verir ki, layihə boyunca Arsen xanımın evi kimi təqdim edilən mülk 135 milyon lirəyə (təxminən 5,9 milyon manat) təklif olunur.
Sözügedən villa İstanbulun Çatalca rayonunda yerləşir və 2005-ci ilə qədər ferma evi kimi istifadə edilsə də, sonradan 23 otaqlı hotelə çevrilib.
Qeyd edək ki, ümumilikdə 10 665 kvadratmetr sahəyə sahib olan 23 otaqlı bu dəbdəbəli kompleks təkcə seriallara yox, həm də möhtəşəm toy mərasimlərinə, tədbirlərə və digər ekran layihələrinə ev sahibliyi edib.
Bizi Telegram-da izləyin...
