Yusif Mustafayev efirdə səsləndirdiyi KOBUD İFADƏYƏ aydınlıq gətirdi
Bir neçə gün öncə əməkdar artist Yusif Mustafayev ATV kanalında yayımlanan “Şou ATV” verilişinin qonağı olub.
Redaktor.az xəbər verir ki, sənətçi efirdə musiqiçilərə "Xodu verin, köpək oğlu”,- deyərək müraciət edib.
Yusif Mustafayevin efirdə səsləndirdiyi bu ifadə birmənalı qarşılanmayıb. Məsələylə bağlı Redaktor.az-a açıqlama verən əməkdar artist bildirib ki, həmin ifadəni işlədən zaman mikrofonun açıq olduğunu bilməyib:
“Həmin musiqiçi qardaşım oğludur, adı Mustafadır. Onunla aramızda hər zaman zarafatımız olub. Həmin ifadəni işlədən zaman mikrofonun açıq olduğunu bilmirdim. Üstəlik, veriliş 3 gün öncə efirə gedib, amma məsələni indi ortalığa çıxardırlar".
Sevda Bayramova / REDAKTOR.AZ
Bizi Telegram-da izləyin...
