Sinəsini böyütdürən Mina: “Ailəm geyimlərimə qarışmır, ürəyim istəyəni geyinirəm” - FOTOLAR
Redaktor.az müğənni Mina Hüseynin azmedia.az-a müsahibəsini təqdim edir:
- Mina, sənətinizdə nə kimi yeniliklər var?
- Yenilik çoxdur. Belə bir söz var: “Həmişə yenilik et ki, insanlara maraqlı olasan”. Bir-iki dənə mahnı var, onlara klip çəkirik. Yeni mahnılar yazdırmışam. Hətta insanlar şoka düşəcəklər ki, Mina bunu da oxuya bilir?
- Bu heç də yenilik deyil. Sizi rok, rep və s. janrlarda mahnı oxuyan görmüşük əslində..
- Xeyr, bu dəfə tam fərqli olacaq. Muğam oxuyacaqam. Çünki mən 15 yaşımdan muğam və piano təhsili almışam.
- Sizin kimi cəsarətli bir xanımdan yəqin ki, elə bir o qədər də cəsarətli klip gələr.
- Hər şey ola bilər. 16 yaşım olanda çıxıb damda oxuyub, klip çəkdirmişdim. Vannanın içində də oxuya bilərəm, divara sarıla da bilərəm.
- Demək ki, bizi şoka salacaqsız...
- Bəli, şoka düşəcəksiniz (gülür).
- Açıq-saçıq geyimlərdən istifadə edirsiniz. Geyimlərinizə qarışan, sizə qadağa qoyan olur?
- Ürəyim istəyəni geyinirəm, ailəm də geyimlərimə qarışmır. Bircə instagramda paylaşanda izləyicilərim qarışır.
- Nə deyirlər?
- Deyirlər ki, “belə geyinmə”, “bu nədir?”.. Başa düşə bilmirəm ki, mollayam yoxsa müğənni?! Beyons, Rihanna geyinəndə deyirlər ki, yaxşıdır, bizimkilər geyinəndə başlayırlar altdan yuxarı süzməyə. Onlar cahil adamlardır, heç nə deyə bilmərəm onlara.
- Həmkarlarınız Dilarə Kazımova, Nigar Camal gözəl rəqs etməyi bacarır. Bəs siz?
- Mən də gözəl rəqs edərəm. Onlardan da yaxşı. Elə rəqs edərəm ki, hamı deyər ki, aaa bu Minadır? (gülür).
Bizi Telegram-da izləyin...
