Toyuna hazırlaşan Sevda efirdə şok yaşadı - Həkim sevgilisinin adı... - FOTO
Bir neçə gün əvvəl "Həri"si alınan müğənni Sevda Yahyayeva "Şən bazar" verilişində sürprizlə qarşılaşıb.
Redaktor.az bildirir ki, sözügedən verilişə təşrif buyuran gənc aktyor Ruslan Sabirli əlindəki zərfi kənara qoyaraq Sevda ilə bir oyun oynamaq istədiyini deyib.
Aktyor zərfin içindəkı kağıza rəqəmlər yazdığını bildirib. O, müğənniyə şəxsi telefonunu uzadaraq ekrana yeddi rəqəm yazmağını, rəqəmlərin üst-üstə düşəcəyi halda maraqlı bir hadisə ilə qarşılaşacağını qeyd edib. Sevda aktyorun şərtini qəbul edib. Müğənninin ekrana yazdığı rəqəmlərlə zərfdəki rəqəmlər üst-üstə düşüb.
Müğənnini şoka salan hadisə isə Ruslan Sabirlinin növbəti istəyi zamanı baş verib. Aktyor Sevdaya konvertdən çıxardığı rəqəmləri tərsinə tutmağını və oradakı adı oxumağını istəyib. Sevda tərs tutduğu rəqəmləri oxuyarkən efirdə təəccübünü gizlədə bilməyib. Rəqəmlərin tərsinə oxunuşu "ZAKİR" idi. Bu müğənninin ailə qurmağa hazırlaşdığı həkimin adı olub.
Aktyorun sürprizi aparıcı Zümrüdü və digər qonaqları da məəttəl qoyub.
Qeyd edək ki, Sevda Zakir Bayramov adlı həkimlə münasibətlərini rəsmiləşdirib. Onun nişanlısı "Leyla Şıxlinskaya" klinikasında genetik-laborant olaraq çalışır.
Bizi Telegram-da izləyin...
