Konfutsi İnstitutu məktəblilər üçün seminar keçirib - ADU
Azərbaycan Dillər Universiteti (ADU) nəzdində fəaliyyət göstərən Konfutsi İnstitutu Sumqayıt məktəbliləri üçün “Salam, Çin” adlı silsilə onlayn seminarlara başlayıb. Seminarda Sumqayıt şəhər 42 nömrəli tam orta məktəbin II, III və VII sinif şagirdləri iştirak ediblər.
Redaktor.az xəbər verir ki, seminarda çıxış edən ADU Konfutsi İnstitutunun mütəxəssisi Nigar Qocayeva şagirdlərə Çinin tarixi, mədəniyyəti, dövlət rəmzləri və çin dili haqqında ətraflı məlumat verib. N.Qocayeva şagirdlərə iki ölkənin təhsil əlaqələrinin səmərəli inkişaf tarixindən danışaraq, Azərbaycan və Çin əməkdaşlığının bu inkişafa, ən əsası da “Bir kəmər, bir yol”un uğurlu icrasına ciddi töhfə verəcəyindən bəhs edib.
ADU Konfutsi İnstitutun direktoru Rafiq Abbasov məktəblilər arasında bu cür seminarların keçirilməsinin vacibliyini vurğulayaraq, 2001-ci ilin Sumqayıt ilə Çinin Xunan əyalətinin Çyucou şəhəri, 2019-cu ilin Çinin Siçuan əyalətinin Myenyan və Şensi əyalətinin Sian şəhəri arasında dostluq və əməkdaşlıq əlaqələrinin qurulması haqqında Anlaşma Memorandumunun imzalanmasını da xatırladıb. R.Abbasov Sumqayıt şəhər sakinlərinin COVID-19 koronavirus pandemiyası ilə mübarizəyə dəstək məqsədilə qardaş Sian və Myenyan şəhərlərinə tibbi ləvazimatlardan ibarət humanitar yardımın göndərdiyini məktəblilərin nəzərinə çatdırıb.
Şagirdləri Çin dilində olan bacarıqlarını nümayiş etdiriblər. Hazırki COVID -19 koronavirus pandemiyasının sürətlə yayıldığı bir dövrdə şagirdlər öz həmyaşıdları üçün “Nağıl” mahnısını ifa ediblər. Eyni zamanda kətan üzərində çəkdikləri rəsm əsərlərini və xəttatlıq bacarıqlarını da göstəriblər. Sonda şagirdlər hər kəsə Çin dilində öz sevgilərini söyləyiblər.
Bizi Telegram-da izləyin...
