Şagirdlər iyuladək keçirilən imtahanlara çağırıla bilər
"Bədən hərarəti yüksək olduğu üçün buraxılış imtahanına buraxılmayan şagirdlər arasında sağlamlıq vəziyyəti normal olanları iyuladək keçirilən imtahanlara dəvət edə bilərik".
Redaktor.az-ın məlumatına görə, bunu Dövlət İmtahan Mərkəzinin (DİM) Direktorlar Şurasının sədri Məleykə Abbaszadə bu gün keçirdiyi brifinqdə deyib.
Onun sözlərinə görə, həmin abituriyentlərin sağlamlığı daha vacibdir: “Onların hər biri sağaldıqca imtahanların keçirilməsi mümkün deyil. Amma sağlamlıq vəziyyəti normal olan uşaqları iyuladək keçirilən buraxılış imtahanlarına dəvət edə bilərik".