“Kazan Universiteti və Azərbaycanda həndəsənin inkişafı” adlı kitab Rusiyada çapdan çıxıb

Elm
 13:27 10.06.2021     113

Bakı Dövlət Universitetinin (BDU) Mexanika-riyaziyyat fakültəsinin Cəbr və həndəsə kafedrasının müdiri, əməkdar elm xadimi, professor Arif Səlimov və Azərbaycan Milli Elmlər Akademiyasının (AMEA) Riyaziyyat və mexanika İnstitutunun şöbə müdiri professor Ramiz Aslanovun həmmüəllifi olduğu “Kazan Universiteti və Azərbaycanda həndəsənin inkişafı” adlı kitab işıq üzü görüb. Kitab Rusiyanın “Eydos” nəşriyyatında çapdan çıxıb.

Redaktor.az xəbər verir ki, kitabda Azərbaycanda və Rusiyada həndəsənin tarixi, görkəmli riyaziyyatçı alimləri  və əldə edilmiş nailiyyətlərindən bəhs edilib. Həmçinin XX əsrdə yaşamış Azərbaycan həndəsəçisi AMEA-nın müxbir üzvü Maqsud Cavadovun və müasir Kazan həndəsə məktəbinin yaradıcısı, professor A.P.Nordenin (1904-1993) elmi yaradıcılığı və  yaratdıqları elmi məktəblər xüsusi qeyd edilib. Kitab Azərbaycanın görkəmli riyaziyyatçısı Maqsud Cavadovun 120 illiyinə həsr olunub.