Paytaxtdakı kəskin qoxu ilə bağlı NAZİRLİKDƏN AÇIQLAMA
Bakı şəhərinin Nərimanov və Binəqədi rayonlarında ətrafa kəskin qoxunun yayılması ilə bağlı Ekologiya və Təbii Sərvətlər Nazirliyinin (ETSN) mütəxəssisləri tərəfindən araşdırma aparılıb.
Redaktor.az xəbər verir ki, bunu ETSN-in Milli Hidrometeorologiya Xidmətinin rəis müavini Vasif Əliyev bildirib.
Qoxunun son günlər müşahidə edilən yüksək temperaturun və durğun hava şəraitinin üstünlük təşkil etməsi səbəbindən kanalizasiya sularının axıdıldığı Böyük Şor gölündən yayıldığı ehtimal edilir.
O, qeyd edib ki, mütəxəssislər tərəfindən sözügedən ərazidə monitorinq keçirilib, atmosfer havasından nümunələr götürülüb. Sabah bu barədə daha dəqiq məlumat veriləcək.
Qeyd edək ki, Bakının bəzi ərazilərini üfunət iyi bürüyüb.
Bizi Telegram-da izləyin...
