Bakıda soyuq hava neçə gün davam edəcək? - QAR YAĞACAQ
“Dünən axşam saatlarından ölkə ərazisində hava şəraiti dəyişib. Bəzi yerlərdə yağış, dağlıq və dağətəyi ərazilərdə qar müşahidə olunur”.
Bu sözləri Redaktor.az-a açıqlamasında Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktoru Gülşad Məmmədova deyib. O bildirib ki, belə hava şəraitinin yanvarın 21-nə qədər davam edəcəyi gözlənilir:
“Bakıda və Abşeron yarımadasında bu gün axşamdan başlayaraq 21-i axşamadək hava şəraitinin dəyişəcəyi, arabir yağıntılı olacağı, bəzi yerlərdə yağışın sulu qara və qara keçəcəyi gözlənilir. Yanvarın 20-si axşamdan 21-i gündüzədək çovğun olacağı, 21-22-də gecə saatlarında yolların buz bağlayacağı ehtimal olunur. Lakin 21-i axşam saatlarından yağıntının nisbətən azalacağı, 22-dən etibarən isə havanın yağmursuz keçəcəyi gözlənilir”.
Mahir Xəttab \ Redaktor.az
Bizi Telegram-da izləyin...
