Novruz tətilindən sonra dərslər dayandırılır? - RƏSMİ
Mart ayında dərslər yenidən dayandırıla bilər.
Redaktor.az xəbər verir ki, bu barədə sosial şəbəkələrdə və "Whatsapp" qruplarında məlumatlar yayılıb. Bildirilib ki, mart ayının sonunda, Novruz bayramı tətilindən sonra şagirdlərin məktəbə getməsi dayandırılaraq distant təhsilə keçiləcək.
Təhsil Nazirliyinin Mətbuat xidmətinin rəhbəri Cəsarət Valehov açıqlamasında bildirib ki, yayılan məlumatların heç bir əsası yoxdur. Onun sözlərinə görə, hazırda Azərbaycanda məktəblərin bağlanmasına səbəb olacaq sanitar-epidemioloji durum yoxdur.
"Cəmiyyətdə gəzən söz-söhbətin heç bir əsası yoxdur. Sosial şəbəkələrdə səhv informasiya yayırlar. Ümumiyyətlə, dərslərin dayandırılması ilə bağlı məsələ birbaşa Nazirlər Kabinetinin verdiyi qərarla tənzimlənir.
Hazırda mətkəblərdə dərslərin dayandırılmasına əsas verəcək heç bir narahatlıq və təhlükə yoxdur", - Cəsarət Valehov bildirib. //Baku.ws
Bizi Telegram-da izləyin...
