ADNSU-da tələbələrin 84 faizi təqaüd alacaq

 19:26 02.03.2021     317

2020/2021-ci tədris ilinin payız semestrinin imtahan sessiyasının nəticələrinə əsasən, Azərbaycan Dövlət Neft və Sənaye Universitetində bakalavr və magistratura təhsil pillələrində təhsil alan tələbələrin 83,91 faizi təqaüd alır ki, bu da tələbələrin tədris prosesində yüksək bilik nümayiş etdirməsinin göstəricisidir.

Redaktor.az-ın məlumatına görə, ADNSU-dan bildirilib ki, universitet üzrə bütün tələbələrin 48 faizi əlaçı və zərbəçi təqaüdü alır.

Magistratura pilləsi üzrə əlaçı və zərbəçi təqaüdü alan tələbələr magistrantların 88,3 faizini təşkil edir. Bakalavriatura və magistratura pillərində təhsil alan və təqaüd qazanan bütün tələbələrin 21 faizi ödənişli əsaslarla təhsil alan tələbələrdir.

Prezidentin sərəncamına əsasən, 2016-cı ildən başlayaraq ödənişli əsaslarla təhsil alan tələbələrə də ümumi orta müvəffəqiyyət göstəricisi nəzərə alınmaqla, fənlər üzrə akademik nailiyyətlərinə görə təqaüdün verilməsi tələbələr arasında rəqabət mühitinin daha da inkişafına gətirib çıxarıb.  //Qafqazinfo