“Mən Qarabağam!” adlı yaradıcılıq layihəsi başlayıb - Odlar Yurdu Universiteti / FOTO
Odlar Yurdu Universiteti ümummilli lider Heydər Əliyevin anadan olmasının 98-ci ildönümü münasibətilə “Mən Qarabağam!” dizaynerlərin gözü ilə adlı yaradıcılıq layihəsinə start verib.
Redaktor.az xəbər verir ki, 44 günlük müharibə Azərbaycan tarixinə qızıl hərflərlə yazılan qələbəmizlə başa çatdı. İndi artıq quruculuq dövrü başlayır. Prezident İlham Əliyev tərəfindən işğaldan azad olunmuş torpaqlarımızda bərpa-yenidənqurma işlərinin başlanması ilə əlaqədar müxtəlif sərəncamlar imzalanır və hazırda bu istiqamətdə gedən quruculuq, bərpa və yenidənqurma işlərinin sürətləndirilməsi üçün ciddi işlər görülür.
Layihənin əsas məqsədi əsirlikdən azad olunan abidələrimizin, yaşayış məskənlərimizin bərpa və yenidənqurma işlərinə bu sahədə təhsil alan tələbələri, gənc mütəxəssisləri cəlb edərək, onların belə məsuliyyətli və şərəfli işdə iştirakını təmin etməkdir.
Odlar Yurdu Universiteti və Odlar Yurdu Kollecinin Dizayn ixtisasının tələbələri və könüllü gənc dizaynerlərlə birgə həyata keçiriləcək layihə 3 mərhələdə öz işini davam etdirəcək.
Birinci mərhələ - layihənin təqdimatı, iştirakçıların seçim turu və işğaldan azad olunmuş rayonların komanda rəhbərləri arasında bölünməsi;
İkinci mərhələ - Komandaların müəyyən olunan vaxt müddətində təqdimata hazırlığı, nominasiyaların müəyyən olunması;
Üçüncü mərhələ - Komandaların layihələrini təqdim etməsi, təqdim olunan layihələrin qiymətləndirilməsi, qaliblərin müəyyən olunmasından ibarət olacaq;
Layihə 10 mart-10 may tarixlərini əhatə edir.
Qeyd: İşğaldan azad olunmuş torpaqlarımızın bərpa və yenidənqurma işləri ilə bağlı könüllü olaraq layihə təqdim etmək istəyənlər 30 aprel tarixindən gec olmayaraq müraciət edə bilərlər.
Bizi Telegram-da izləyin...
