Həkimlərə ixtisaslarına görə nə qədər əlavə ödəniləcək? - RƏSMİ

 19:09 23.04.2021     223

Həkimlərin maaşları ixtisasa müvafiq olaraq dəyişir. Bəzi həkimlər sabit, bəziləri isə işin nəticələrinə görə əlavələr alırlar.

Redaktor.az xəbər verir ki, bu sözləri İcbari Tibbi Sığorta üzrə Dövlət Agentliyinin İnvestisiya şöbəsinin müdiri Yadigar Mahmudzadə deyib.

O bildirib ki, sabit əlavələr alan həkimlər sırasına həkim-fitiziatr, hematoloq, hemodializ şöbəsinin həkimləri sabit əlavələr alır:

“Həkim fitizatr, hematoloq 300 manat, hemodializ şöbəsinin həkimləri 360 manat, Ailə Sağlamlıq Mərkəzində çalışan mamaginekoloqlar 480 manat əlavələr alır. Ailə həkimi ixtisası üzrə çalışanlar isə 300 manat sabit əlavələr alır.

Bununla yanaşı, birinci qrup tibb müəssisələrində çalışan həkim 240 manat, ikinci və üçüncü qrup tibb müəssisələrində isə 340 manat sabit əlavələr alırlar”.

“Bir qisim ixtisaslar isə işin nəticələrinə görə bonuslar alırlar. Bunlar terapevtik, cərrahi ixtisaslar, radiologiya şöbəsinin işçiləridir ki, ay ərzində görülən işin nəticələrindən asılı olaraq hesablanır və növbəti ay bonuslar ödənilir”, - deyə Y.Mahmudzadə qeyd edib.