Açıq havada maska taxmaq qadağası ləğv olunur - AZƏRBAYCAN
“Karantin qaydalarının əsasında insanlardan açıq havada tibbi maskadan istifadə etmələri tələb olunur. Amma bir nüansı unutmayaq ki, eyni zamanda insanlar iaşə müəssisələrində tibbi maskasız kütləvi şəkildə toplanırlar, saatlarla istirahət edirlər. Nazirlər Kabineti yanında Operativ Qərargah buna icazə verir, insanların açıq havada maskasız gəzmələrini isə qadağan edir. Düşünürəm ki, bu məqsədə uyğun deyil”.
Redaktor.az xəbər verir ki, bu sözləri tibb elmləri doktoru, professor Adil Qeybulla bildirib. Onun sözlərinə görə, COVID-19 infeksiyasına yoluxan insanların dinamikasında eniş var. Bu baxımdan açıq havada tibbi maskadan istifadə edilməsi qadağasının ləğv olunması gözləniləndir.
Professor qeyd edib ki, ara məsafəsi saxlanıldıqda açıq havada xəstəliyə yoluxma şansı azdır. Qapalı məkanda isə bir insanın xəstə olması bəs edir ki, xeyli sayda insanı infeksiyaya yoluxdursun:
“Yəqin ki, biz də müəyyən ölkələr tərəfindən sınaqdan keçmiş qərarları versək, daha yaxşı olar. Bütün hallarda istənilən bir qərar düşünülüb verilməlidir. İnsanlar maskalardan beziblər, müşahidə zamanı şahid oluruq ki, onsuz da maskadan düzgün istifadə etmirlər. Burun nahiyyəsi açıq şəkildə taxırlar, uzun müddət bir maskadan istifadə edirlər".
Aysel Hacıyeva / Redaktor.az
Bizi Telegram-da izləyin...
