“YAŞAT” Fonduna nə qədər vəsait toplanıb?

 06:20 01.09.2021     363

Bu günə qədər Azərbaycan Respublikasının ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək fonduna (“YAŞAT” Fondu) 61 831 827 manat cəmlənib.

Redaktor.az-ın məlumatına görə, ianələrdən 34 109 883,84 manat xərclənib. 

Toplanan məbləğin 17 174 826,5 manat fiziki şəxslər, 44 657 000,5 manat isə hüquqi şəxslər tərəfindən ödənilib.

Qeyd edək ki, 2020-ci il dekabrın 8-də Prezident İlham Əliyevin imzaladığı Fərman ilə Azərbaycan Respublikasının ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək fondu (“YAŞAT” Fondu) yaradılıb.