"Şəhid ailələri üçün Prezidentin aylıq təqaüdü 220 manatdan 500 manata çatdırılıb" - DSMF sədri

 11:54 11.06.2022     6405

Şəhid ailələri üçün Prezidentin aylıq təqaüdü 220 manatdan 500 manata çatdırılıb.

Redaktor.az xəbər verir ki, bunu Dövlət Sosial Müdafiə Fondunun sədri Himalay Məmişov postmüharibə dövründə şəhid ailələri və qazilərin sosial ödənişlərlə təminatı sahəsində aparılan işlərə dair keçirdiyi mətbuat konfransında bildirib.

Müharibə əlilləri üçün 1-ci dərəcə üzrə 165 manatdan 400 manata çatdırılıb,1-ci dərəcə əlilliyi olanlara təqaüd (80 manat) təsis olunub, 2-ci dərəcə üzrə 143 manatdan 350 manata çatdırılıb, 3-cü dərəcə üzrə 110 manatdan 300 manata çatdırılıb.

Müharibə əlillərinə müavinətə gəldikdə isə, 1-ci dərəcə üzrə 101 manatdan 220 manata çatdırılıb, 2-ci dərəcə üzrə 81 manatdan 180 manata çatdırılıb, 3-cü dərəcə üzrə 73 manatdan 120 manata çatdırılıb.

Ölkə üzrə orta aylıq pensiya artımı isə 70 faiz olub.