Nikaha daxil olan yeniyetmə qızların sayı AÇIQLANDI
Ötən il qızlar və oğlanlar arasında yaş qruplarına görə nikahların statistikası açıqlanıb.
Redaktor.az xəbər verir ki, Dövlət Statistika Komitəsinin məlumatına görə, 2022-ci ildə 61939 nikah qeydə alınıb. Nikaha daxil olan qızlardan 270 nəfəri 17 yaşında olub. Bildirilib ki, 17 yaşda kişilər arasında nikah qeydə alınmayıb.
Qadınlar arasında ən çox nikaha daxilolma yaşı 20-24 yaş, kişilər arasında isə 25-29 yaş olub:
“18-19 yaşda 13 594 qadın, 269 kişi, 20-24 yaşda 24 326 qadın, 10 800 kişi; 25-29 yaşda 12 669 qadın, 27 146 kişi; 30-34 yaşda 5 080 qadın, 14 356 kişi; 35-39 yaşda 2 620 qadın, 4 316 kişi; 40-44 yaşda 1 371 qadın, 1 879 kişi; 45-49 yaşda 832 qadın, 1 049 kişi; 50-54 yaşda 532 qadın, 757 kişi; 55-59 yaşda 339 qadın, 529 kişi; 60 və yuxarı yaşda 306 qadın, 838 kişi nikaha daxil olub”.
Bizi Telegram-da izləyin...
