Pensiya bu halda daha sürətlə artacaq - Nazirdən AÇIQLAMA
"Bu gün Azərbaycanda əməkhaqqı fondu ÜDM-in 20 faizindən aşağıdır".
Redaktor.az xəbər verir ki, bunu əmək və əhalinin sosial müdafiəsi naziri Sahil Babayev parlamentdə “Azərbaycan Respublikasının 2024-cü il dövlət büdcəsi haqqında” qanun layihəsinin müzakirəsi zamanı deyib.
Nazir bildirib ki, ötən dövr ərzində aidiyyəti qurumlarla birgə həyata keçirdiyimiz həm inzibati, həm stimullaşdırıcı tədbirlər imkan verdi ki, son 5 ildə əməkhaqqı fondu 2.7 dəfə, median əməkhaqqı isə 2.5 dəfə artsın və bunun nəticəsində toplanan vəsait də artsın: “Bu, daimi proses olacaq. Bu gün Azərbaycanda əməkhaqqı fondu ÜDM-in 20 faizindən aşağıdır. Əgər arzu ediriksə ki, bu kimi parametrlərimiz müsbət rəqəmə çatsın, onda Azərbaycanda əməkhaqqı fondu ÜDM-in ən az 28-30 faizinə çatmalıdır. Onda pensiya və sosial sığorta sistemi daha sürətli rəqəmlərlə artacaq”.
Bizi Telegram-da izləyin...
