"Kimsəsiz qızlara "elçi" düşənlərin əksəriyyəti xüsusi qayğıya ehtiyacı olanlardır" - Kəmalə Ağazadə
2023-cü ilin 10 ayı ərzində qaynar xəttimizə daxil olan zənglərdən 74 vacib hesab etdiyimiz müraciətlərin təhlilini apardıq.
Redaktor.az xəbər verir ki, bunu "Azərbaycan Uşaqları" İctimai Birliyinin sədri Kəmalə Ağazadə bildirib.
O qeyd edib ki, 74 nəfər müraciət edərək evlilik məqsədi ilə Uşaq Sığınacağından kimsəsiz qızla evlənmək istədiyini bildirib:
"1. 55 nəfər qadın oğlunu evləndirmək üçün kimsəsiz qız axtardığını bildirib.
2. 13 nəfər qardaşını evləndirmək üçün kimsəsiz qız axtardığını bildirib.
3. 5 nəfər kişi müraciət edərək kimsəsiz qızla evlənmək istədiyini bildirib.
5 kişidən 3 nəfəri ikinci evliliyi üçün müraciət edib. Kişilərin bildirdiklərinə görə, yaş həddi 29-42 yaş arasındadır.
Ən əsası!!! Kimsəsiz qızlara "elçi" düşən hər bir müraciətçi evləndirmək istədikləri oğullarının, qardaşlarının xüsusi qayğıya ehtiyacı olduqlarını bildirib. 31 nəfər bildirib ki, epilepsiyası, "uşaq" kimidir -yəni əqli geriliyi var. 37 nəfər fiziki qüsurlu -DSP, görmə qabiliyyətsiz, eşitmə qabiliyyəti məhdud və ya digər xəsarətlidir.
Yalnız 1 müraciət kimsəsiz qıza sahib çıxmaq, ona xoşbəxt həyat bəxş etmək, oğlunun xaricdə işlədiyi müddətdə qaynana, yəni özü ilə yaşayaraq gözəl nəvələr böyütmək istəyinin olduğunu bildirib".
Humay İSGƏNDƏRLİ
Bizi Telegram-da izləyin...
