Vüqar Qurbanov vətəndaşlarla görüş keçirdi - FOTO
Tibbi Ərazi Bölmələrini İdarəetmə Birliyinin (TƏBİB) İcraçı direktoru Vüqar Qurbanov qəbul qrafikinə uyğun olaraq TƏBİB-in inzibati binasında növbəti dəfə vətəndaşlarla görüş keçirib.
Redaktor.az xəbər verir ki, Prezident İlham Əliyevin vətəndaşların qəbulu və müraciətlərinə baxılması işinin daha da yaxşılaşdırılması ilə bağlı qarşıya qoyduğu tapşırıqların icrası məqsədilə keçirilən qəbul prosesində TƏBİB-in aidiyyəti üzrə rəhbər şəxsləri də iştirak ediblər.
Qəbulda 5 vətəndaşın müraciətinə baxılıb.
Müayinə, müalicə, işlə təmin olunma, əməkhaqqı və digər mövzuları əhatə edən müraciətlər diqqətlə dinlənilib və bir sıra məsələlər yerində həll olunub.
Digər müraciətlərin araşdırılması və qanunvericiliyə uyğun baxılması məqsədilə aidiyyəti struktur bölmələrinin rəhbərlərinə müvafiq tapşırıqlar verilib.
Bizi Telegram-da izləyin...
