"İqlim dəyişikliyinin problemləri ilə bağlı çox çalışmalıyıq" - Deputat
Bir neçə gün əvvəl “Euronews” televiziyasına müsahibə verən Prezident İlham Əliyev söyləyib ki, Xəzər dənizinin getdikcə daha da dayazlaşmasının şahidi oluruq.
"Biz iqlim dəyişikliyinin fəsadlarını, təhlükəli fəsadlarını görürük, çaylarımızda su azalır, dağlarımızda qar azalır, Xəzər dənizində suyun səviyyəsi azalır", - deyə ölkə başçısı qeyd edib.
Məsələ ilə bağlı Milli Məclisin Təbii ehtiyatlar, energetika və ekologiya komitəsinin üzvü Naqif Həmzəyev Redaktor.az-a danışıb.
O deyib ki, iqlim dəyişikliyinin fəsadları, problemləri ilə bağlı çox çalışmalıyıq:
"Çox təəssüflər olsun ki, iqlim dəyişikliklərinin fəsadları Azərbaycanda son illərdə, xüsusilə də hiss olunmaqdadır. Fəsadlar günü-gündən böyüyür və bu baxımdan da, biz bacardığımız qədər çalışmalıyıq ki, iqlim dəyişikliklərinin aradan qaldırılması və bu problemlərin həll olunması ilə bağlı səylərimizi çoxaldaq".
Humay İSGƏNDƏRLİ
Bizi Telegram-da izləyin...
