Bakının bu ərazisində torpağın qiyməti iki dəfə artıb - TƏLƏBAT YÜKSƏKDİR
2021-2025 ci illərdə mənzil bazarında 55% qiymət artımı qeydə alınıb. Ən yüksək artım Ağ Şəhər ərazisində müşahidə olunub.
Həmçinin Nardaran bağlarında torpaq 70% faiz bahalaşıb.
Nardaranda torpaqların bahalaşması əsasən nə ilə əlaqəlidir?
Mövzu ilə bağlı Redaktor.az-a açıqlamasında əmlak eksperti Elnur Azadov bildirdi ki, sözügedən ərazi ilə bağlı təhlillər aparılıb və məlumat dəqiqdir.
"55% faiz qiymət artımı mənim qeyd etdiyim məlumatdır. Nardaranda torpaq bahalaşmasının əsas səbəbi, ərazidə infrastrukturun güclü inkişaf etməsidir. "Sea Breeze" layihəsi inşa olunur. O əraziyə yaxın torpaqlar, hansı ki, o torpaqlar 1-ci sıradadır, dənizə və "Sea Breeze" ərazisinə yaxındırsa, sözsüz ki, onlara tələbat yüksək olduğundan qiymət artır".
Əmlak eksperti qeyd etdi ki, yol kənarında olan, ticarət üçün yararlı torpaqlarda da qiymət artımı müşahidə olunur.
"Burada hətta ildə ən azı 50% qiymət artımı müşahidə edilir. O ərazidə özümün də torpağım var. Torpağın qiyməti il yarım ərzində təxminən 2 dəfə artıb", - deyə Elnur Azadov vurğuladı.
Aytəkin TOFİQQIZI
Bizi Telegram-da izləyin...
