Şəhərlərarası avtobusların istiqaməti niyə dəyişdirilib? - RƏSMİ AÇIQLAMA
Şəhərlərarası bəzi avtobusların gediş məsafələri qısaldılmasına baxmayaraq, qiymətlər olduğu kimi qalıb. Sərnişinlər qiymətlərin kilometraja uyğun hesablanmamasından şikayət edirlər.
Bununla bağlı Redaktor.az-a açıqlama verən Nəqliyyat, Rabitə və Yüksək Texnologiyalar Nazirliyi yanında Dövlət Avtomobil Nəqliyyatı Xidmətinin (DANX) mətbuat katibi Nuridə Allahyarova bildirib ki, məsafənin qısaldılması ilə bağlı yeni qərar daha əlverişli hesab olunur:
“Məsafədən asılı olaraq, əmsal həmin kilometraja uyğun hesablanır. Sadəcə ötən ilin avqustundan etibarən avtobusların İsmayıllı yolu ilə deyil, Kürdəmir yolu ilə hərəkət etmələri şərt olub. Buna səbəb Kürdəmir yolu üzrə məsafənin qismən uzun olmasına baxmayaraq, iritutumlu avtobuslar üçün daha əlverişli və təhlükəsiz olmasıdır. Bəzi sərnişinlərimiz bu qərarın mövsümi xarakter daşıdığını və ancaq qış ayları üçün keçərli olduğunu zənn edirdilər. Bu qərar mövsümi xarakter daşımır”.
Gülşən Şərif / Redaktor.az
Bizi Telegram-da izləyin...
