Gürcüstanda azərbaycanlıların yaşadığı kənddə mal-qara arasında zəhərlənmə olub
Gürcüstanda azərbaycanlıların yığcam yaşadığı Marneuli rayonunun Sadaxlı kəndində mal-qara arasında kütləvi zəhərlənmə baş verib.
Redaktor.az Report-a istinadən xəbər verir ki, nəticədə bir neçə ev heyvanı tələf olub.
Kənd sakinləri mal-qaranın otlaq sahəsində olan bitkidən zəhərləndiklərini ehtimal edirlər.
Gürcüstanın Milli Qida Agentliyindən bildirilib ki, laborator araşdırmalar üçün patoloji materiallar götürülüb və nəticələr yaxın günlərdə məlum olacaq.
İlkin məlumatlara əsasən, mal-qara arasında hər hansı bir infeksion xəstəlik olmayıb.
Faktla bağlı Gürcüstan Daxili İşlər Nazirliyi araşdırma aparır.
Bizi Telegram-da izləyin...
