Metro istifadəçilərinə ŞAD XƏBƏR - Yaxın günlərdə....

 12:37 04.09.2019     5245

"Yaxın günlərdə yeni qatarlar sərnişinlərin ixtiyarına veriləcək".

Yeni tədris ilinin başlaması və paytaxt sakinlərinin istirahətlərinin bitirməsi ilə əlaqədar olaraq "Bakı Metropoliteni"ndə qatarların hərəkət qrafikində dəyişiklər olacaq.

Bu sözləri Redaktor.az-a açıqlamasında "Bakı Metropoliteninin" mətbuat xidmətinin rəhbəri Bəxtiyar Məmmədov deyib. Qurum rəsmisi alınan yeni qatarlar haqda da məlumat verib:

"Köhnə qatarlara kondisioner sisteminin quraşdırılması çətin prosedur olduğu üçün yeniləri alınıb. 2015-2018-ci illərdə 5 qatar alınmışdı. Bu il daha 6-sı alınaraq ümumi say 30-a çatdırılıb. İctimaiyyətə açıqlamaq istəyirik ki, yeni qatarlarının alınmasının səbəbi köhnələrin istismar müddətinin bitməsidir. "Bakı Metropoliteni"nin xəttlərində istismar müddəti bitmiş bir dənə də olsun qatar yoxdur. Dəyişikliyə əsasən, yeni qatarlar yaxın günlərdə xəttə buraxılacaq. Bununla bağlı ətraflı məlumat tezliklə ictimaiyyətə veriləcək". 

İlkin Sultanlı / REDAKTOR.AZ