Ötən il internat müəssisələrində qalan uşaqların sayı AÇIQLANIB
Ötən il internat müəssisələrində qalan yetim və valideyn himayəsindən məhrum uşaqların sayı 737 nəfər olub.
Dövlət Statistika Komitəsindən Redaktor.az-a verilən məlumata görə, 737 nəfərdən körpələr evində olan uşaq yoxdur, 86 nəfər uşaq evlərində, 81 nəfər sağlamlıq imkanları məhdud uşaqlar üçün xüsusi internat məktəblərində, 43 nəfər əqli сəhətdən geri qalan uşaqlar üçün internat evlərində, 527 nəfər isə ümumi tipli internat məktəblərindədir.
Qeyd edək ki, müstəqillik dövründə ən çox internat müəssisələrində yetim və valideyn himayəsindən məhrum olan uşaqların sayı 2003-cü ildə olub. Həmin il internat müəssisələrində yetim və valideyn himayəsindən məhrum uşaqların sayı 3456 nəfər təşkil edib ki, onlardan da 85 nəfəri körpələr evində, 266 nəfəri uşaq evlərində, 228 nəfəri sağlamlıq imkanları məhdud uşaqlar üçün xüsusi internat məktəblərində, 185 nəfəri əqli сəhətdən geri qalan uşaqlar üçün internat evlərində, 2692 nəfəri isə ümumi tipli internat məktəblərində olub.
Bizi Telegram-da izləyin...
