FIFA ölkələrə yardım proqramını TƏSDİQLƏDİ

 19:20 29.07.2020     665

FIFA İcraiyyə Komitəsinin Bürosu koronavirus pandemiyasından zərər görən milli assosiasiyalara maliyyə yardımının göstərilməsini təsdiqləyib. 

Redaktor.az xəbər verir ki, futbol ictimaiyyəti üçün nəzərdə tutulan 1,5 milyard ABŞ dolları vəsait kişi və qadın, gənclər və kütləvi futbola kombinə olunmuş qrantlar sistemi və istiqrazlar sistemi vasitəsilə sərt tələblər əsasında ayrılacaq. 

211 milli assosiasiyanın hər biri, o cümlədən AFFA 1 milyon ABŞ dolları qrant alacaq. Daha 500 min ABŞ dolları isə qadın futboluna yönəldiləcək. Üzv ölkələr hərəyə 5 milyon ABŞ dolları kredit də götürə biləcəklər. //Report.az