"Səbail" Messini transfer etmək istəyir - FOTO

İdman

16:12 26.08.2020 481

“Barselona”dan ayrılmağa qərar verən argentinalı futbolçu Lionel Messiyə Azərbaycandan "müştəri" çıxıb.

Redaktor.az-ın məlumatına görə, nə qədər qəribə səslənsə də, “Səbail” argentinalını heyətində görmək istəyir.

Paytaxt təmsilçisi bunu rəsmi feysbuk səhifəsi vasitəsilə bəyan edib. Bakılıların paylaşımı da bu fantastik arzudan xəbər verir. Bir çox əsas heyət futbolçusunu göndərən, maddi sıxıntılarla üzləşən "dənizçilər" sosial şəbəkə istifadəçiləri ilə zarafat edib.

Messiyə “Səbail” forması “geyindirən” Premyer Liqa klubu bu geyimin ona yaraşdığını iddia edir: “Bizcə, Messiyə bu forma əla yaraşır. Bəs siz nə düşünürsünüz?”.

Qeyd edək ki, “Barselona” Messini yalnız 700 milyon avroya satmağa razıdır. Futbolçu isə müqaviləni birtərəfli qaydada pozmaq istəyir. //AzxeberSport

Bizi Telegram-da izləyin...

Gələn həftə rayonlara gediş-gəliş bərpa edilə bilər - AÇIQLAMA

Ölkə

15:56 26.08.2020 1181

Azərbaycada koronavirusa görə tədbiq edilən karantin rejiminin sentyabrın 1-də bitməsi nəzərdə tutulur. Lakin müəyyən yumşalmalar edilməklə karantin rejiminin yenidən uzadılması barəsində də fikirlər səsləndirilir.

Redaktor.az xəbər verir ki, bununla bağlı fikirlərini bölüşən deputat Cavid Osmanov bildirib ki, son günlərin statistikası ümidvericidir:

"30 gün bundan öncəki dövrdən tamamilə fərqli mənzərə ortaya çıxıb. Unutmamalıyq ki, koronavirus hələ də bizimlə yaşamaqdadır. Eyni zamanda Ümumdünya Səhiyyə Təşkilatı da dünyada fövqəladə vəziyyəti 3 ay uzadılması ilə bağlı qərar qəbul edib. Amma bununla yanaşı sentyabrın 1-dən müəyyən yumşalmalar ola bilər. Nazirlər Kabineti yanında Operativ Qərargah son günlərin statistikasını, mövcud pandemiya vəziyyətini və gələcəkdə hansə problemlərlə qarşılaşa biləcəyimizlə bağlı bütün məsələləri analiz etdikdən sonra öz qərarını verəcəkdir”.

Cavid Osmanov fikrini belə tamamlayıb:

"Düşünürəm ki, müəyyən məhdudiyyətlər və qaydalarla sentyabrın 1-dən rayonlara gediş-gəliş bərpa edilə bilər. Eyni zamanda bu yumşalma iri ticarət mərkəzlərinə şamil edilə bilər. Operativ Qərargah bu məsələ ilə bağlı çox ciddi analiz apardıqdan sonra ən doğru qərarı verəcəkdir”. //Konkret.az