Millimizin futbolçusu 7-ci qolunu vurdu - ABŞ Liqası

 12:09 30.08.2020     197

Azərbaycan millisinin futbolçusu Rüfət Dadaşov "Finiks "Rayzinq" klubunun heyətində ABŞ Milli Liqasında (USL) 7-ci qolunu vurub. 

Redaktor.az xəbər verir ki, məlumatına görə, 29 yaşlı hücumçu bu dəfə "Reno" ilə səfər matçında fərqlənib. Meydana 64-cü dəqiqədə daxil olan Dadaşov bundan 13 dəqiqə sonra komandasının yeganə qolunu vurub. Görüş isə meydan sahiblərinin qələbəsi ilə yekunlaşıb - 2:1. 

Məğlubiyyətə rəğmən, "Finiks Rayzinq" 10 oyundan 20 xalla B qrupunda liderliyini davam etdirir. "Reno" isə 9 oyundan 21 xalla A qrupunda ilk pillədə yer alıb. 

Qeyd edək ki, Rüfət Dadaşov Azərbaycan yığmasının sentyabrın 5-də evdə Lüksemburq və sentyabrın 8-də səfərdə Kiprlə keçirəcəyi UEFA Millətlər Liqasının oyunlarına çağırılmayıb. //Report