Almaniyada ilin futbolçusu məlum oldu

 15:40 30.08.2020     184

"Bavariya" klubunun hücumçusu Robert Levandovski Almaniyada ilin futbolçusu seçilib. 

Redaktor.az xəbər verir ki, sorğunu "Kicker" nəşri Almaniya İdman Jurnalistləri Assosiasiyasının üzvləri arasında aparıb. 

276 bal toplayan polşalı forvardın ən yaxın izləyicisi, "Bavariya"dakı komanda yoldaşı Tomas Müller 54 bal yığıb. Üçüncü yeri Münhen təmsilçisinin daha bit oyunçusu Coşua Kimmix 49 xalla tutub.    

Qeyd edək ki, Robert Levandovski bu mövsüm Bundesliqa və Çempionlar Liqasında üst-üstə 38 matçda 49 qol vurub. O, özünü "Qızıl top"a layiq saysa da, "France Football" jurnalı bu il mükafatlandırma mərasimini ləğv edib. //Report