"Vilyarreal"ın futbolçusu İspaniyaya qayıda bilmir

 08:15 19.11.2020     64

"Qarabağ"ın Avropa Liqasının qrup mərhələsindəki rəqiblərindən İspaniya "Vilyarreal"ının və Ekvador millisinin futbolçusu Pervis Estupinyan pasportunu itirib.

Redaktor.az xəbər verir ki, 22 yaşlı müdafiəçi bu barədə sosial şəbəkə hesabından paylaşım edib.

O, İspaniyaya qayıtmaq istədiyini və pasportunun tapılması üçün köməyə ehtiyacı olduğunu bildirib. Estupinyan paytaxt Kitoda çamadanlarının düşməsindən sonra sənədi itirdiyini yazıb.

Qeyd edək ki, Ekvador millisi dünya çempionatının seçmə mərhələsində bu gün evdə Kolumbiyanı 6:1 hesabı ilə məğlub edib. Estupinyan görüşdə sonuncu qolun müəllifi olub.

"Qarabağ" II turda Türkiyənin İstanbul şəhərindəki "Başakşehir Fatih Terim" stadionundakı matçda "Vilyarreal"a 1:3 hesabı ilə uduzub. Komandalar arasında VI tura təsadüf edəcək İspaniyadakı oyun dekabrın 10-da gerçəkləşəcək.