"“Qarabağ” çox güclü komandadır"
“Çox çətin rəqibə qarşı çıxış etdik. “Qarabağ” çox güclü komandadır”.
Redaktor.az xəbər verir ki, bunu Kiprin “Omoniya” klubunun baş məşqçisi Henninq Berq Konfrans Liqasının qrup mərhələsinin V turunda “Qarabağ”la heç-heçə (2:2) etdikləri oyundan sonra deyib.
Norveçli mütəxəssis Tofiq Bəhramov adına Respublika Stadionundakı görüşdən sonra mətbuat konfransında fikrini bu sözlərlə davam etdirib:
“Keyfiyyətli oyun oldu. “Qarabağ” qrup birinciliyi üçün mütləq qalib gəlməli idi. Rəqib çox təzyiq göstərdi. Buna görə oyunu müdafiədən qurduq. Bir sıra qol epizodlarımız oldu. Komandamın oyunundan razıyam”.