Komanda yoldaşları Ronaldoya qarşı çıxdılar

 22:14 05.01.2022     177

İngiltərənin "Mançester Yunayted" klubunda futbolçular arasında gərginlik artır.

Redaktor.az "Daily Express" nəşrinə istinadən xəbər verir ki, Harri Maquayr, Edinson Kavani və Meyson Qrinvud Kriştianu Ronaldonun daha çox oynamasından narazıdırlar. Həmçinin bəzi futbolçular portuqaliyalı hücumçunun çıxışının komandanın oyununa mənfi təsir göstərdiyini düşünür.

Daha əvvəl "qırmızı şeytanlar"ın müdafiəçisi Lyuk Şou evdə "Vulverhempton"a 0:1 hesabı ilə uduzduqları Premyer Liqanın XXI tur matçından sonra komandada birliyin olmadığını söyləyib.

Qeyd edək ki, "Mançester Yunayted" 19 oyundan sonra 31 xalla turnir cədvəlinin 7-ci pilləsində qərarlaşıb.