Şevçenko 12 gündə ikinci dəfə koronavirusa yoluxdu

 22:12 09.01.2022     105

İtaliyanın “Cenoa” klubunun baş məşqçisi Andrey Şevçenko A Seriyasının 21-ci turunun “Spetsia” ilə oyununu buraxacaq.

Bu barədə Redaktor.az klubun mətbuat xidmətinə istinadən xəbər verir.

Qeyd olunub ki, baş məşqçinin koronavirus testi müsbət olub.

Dekabrın 28-də ukraynalı mütəxəssis koronavirusa yoluxub və yanvarın 6-da keçirilən İtaliya çempionatının 20-ci turunun “Sassuolo” ilə (1:1) matçını buraxmaq riski ilə üzləşib.

Yanvarın 5-də Şevçenko COVID-19 üçün verdiyi testin mənfi olduğunu və matçda iştirak edə biləcəyini açıqlamışdı. Bu gün klubun mətbuat xidməti onun yenidən koronavirusa yoluxduğunu və “Spetsia” ilə matçda iştirak etməyəcəyini açıqlayıb.