Messi növbəti titulunu QAZANDI
Argentina millisinin və Fransanın PSJ klubunun futbolçusu Lionel Messi növbəti titulunu qazanıb.
Redaktor.az xəbər verir ki, 35 yaşlı hücumçu Paris klubunun heyətində Liqa 1-in qızıl medallarına yiyələnməklə karyerasında 11-ci çempionluğunu əldə edib.
Təcrübəli forvard buna səfərdə səfərdə "Lans"la 1:1 hesablı (PSJ-nin yeganə qolunu da 68-ci dəqiqədə Messi vurub) heç-heçə etdikləri XXXIV tur matçından sonra nail olub.
Bu, həmçinin Messinin İspaniya "Barselona"sından fərqli komandada qazandığı ilk çempionluq tituludur.
Ulduz futbolçu daha əvvəl 2004/2005, 2005/2006, 2008/2009, 2009/2010, 2010/2011, 2012/2013, 2014/2015, 2015/2016, 2017/2018, 2018/2019 mövsümlərində La Liqanın qalibi olub.
Qeyd edək ki, bu, Lionel Messinin 39-cu tituludur.
Onu da əlavə edək ki, PSJ bununla 10-cu dəfə ölkə çempionluğunu qazanıb.
Bizi Telegram-da izləyin...
